Një punëtor raportohet se është rrëzuar nga një lartësi prej tri metra derisa ishte duke punuar, transmeton Gazeta Online Veriu.info.
Ngjarja ka ndodhur në Gjilan dje rreth orës 10:40 thuhet në raportin 24 orësh të policisë.
Tutje thuhet se viktima ka marrë tretman mjekësor, ndërsa është arrestuar e më pas liruar pronari i firmës.
“Rr. Idriz Seferi, Gjilan 16.03.2026-10:40. Është raportuar se viktima mashkull kosovar, deri sa ishte duke punuar në vendin e tij të punës në një firmë, kishte rënë nga një lartësi prej rreth tri metra. Viktima është dërguar për tretman mjekësor, ndërsa i dyshuari mashkull kosovar, pronar i firmës është arrestuar dhe pas intervistimit me vendim të prokurorit është liruar në procedurë të rregullt” thuhet në raportin e policisë.
