Kreu i Lidhjes Demokratike të Kosovës, Lumir Abdixhiku, ka njoftuar se është takuar sot me Presidenten Vjosa Osmani, me ftesë të kësaj të fundit.
Abdixhiku ka thënë se Osmani e ka informuar lidhur Bordin e Paqes, teksa ka shprehur mbështetjen e plotë të LDK’së për këtë iniciativë.
Ata kanë diskutuar edhe për zhvillimet e fundit politike.
“I shpreha Presidentes Osmanit mbështetjen e plotë të Lidhjes Demokratike të Kosovës për këtë iniciativë. Forcimi i paqes, i aleancave, në veçanti me SHBA-të, dhe i rolit ndërkombëtar të Kosovës duhet të jetë përparësia jonë. LDK mbetet e përkushtuar ndaj orientimit euroatlantik dhe bashkëpunimit të ngushtë me aleatët tanë strategjikë”, ka shkruar Abdixhiku.
Ndryshe, tashmë ka nisur rrjedhja e afatit për zgjedhjen e Presidentit të ri. Osmani e ka shprehur publikisht synimin edhe për një mandat. Se a do ta ketë mbështetjen e partive, mbetet të shihet. Nga LDK, Avdullah Hoti ka thënë se nuk do ta votojë Osmanin për Presidente.
