Analisti Ermal Sadiku ka thënë që një koalicion midis Lëvizjes Vetëvendosje dhe Partisë Demokratike të Kosovës do të sillte një qeveri më stabile.
“Ma së miri është me pasë qeveri stabile, edhe të gjithë besojmë që është mirë me pasë qeveri stabile politike se për qata dalim në zgjedhje, se për qata krijohet vota”, ka thënë Sadiku në Rubikon.
“Unë thashë, si ide, nëse qeveri stabile politike nuk munet me kriju partia e parë, nëse nuk munet me e kriju partia e dytë ose e tretë ose e katërt së bashku, ose së bashku me partinë e parë kur i ndërrojnë pozicionet, atëherë ka mundësi me ba diçka të tillë”.
“Shanset me ndodhë janë shumë të vogla por gjithashtu ka gjana të mirë që mujnë me ardhë mas sajna”.
“A është qeveri e përkryme? Aspak. Qeveri e zorit që ndodh në momente të caktume politike kur gjanat bllokohen”
“S’e di a është e mirë por a është më e mirë me numra? Po”, ka thënë Sadiku për mundësinë e koalicionit VV-PDK.
