Sadio Mane është bërë njëri nga futbollistët më të paguar në botë pas transferimit te Bayern Munichi.
Në javën e kaluar, sulmuesi senegalez kompletoi transferimin e tij nga Liverpooli te kampionët e Gjermanisë.
“Bild” ka publikuar sot shifrat e pagës së Manes te “Bavarezët”.
Sipas gazetës gjermane, 30-vjeçari do të përfitojë 19 milionë e 800 mijë euro në sezon.
Kjo i bie se ish-sulmuesi i Liverpoolit do të ketë pagë mujore prej 1 milion e 650 mijë eurove.
Ndryshe, Sadio Mane me Bayernin ka nënshkruar kontratë të vlefshme deri më 30 qershor 2025.
