25 vjeçarja nga Prekazi i Skenderajt, Sala Jashari është njeriu i pestë më i votuar në listën e 110 kandidatëve për deputetë nga radhët e Partisë Demokratike të Kosovës.
Derisa numërimi i votave po vazhdon, ajo del se ka marrë deri me tani 29,277 vota. Emri i saj është renditur e pesta në listën e PDK’së me shumë pak vota diferencë nga nënkryetarja e PDK’së Vlora Citaku e cila zë vendin e katërt.
Sala Jashari është kandidatja më e votuar për deputete nga PDK në Skenderaj duke lënë pas vetës Mërgim Lushtakun e Ganimete Musliun.
Jashari ka marrë vota më shume se sa disa personalitete kyqe të Partisë Demokratike të Kosovës të cilët për disa mandate shërbyen si deputete të Kosovës.
25 vjeçarja është trashëgimtare e familjes Jashari. Ajo trashëgon emrin e gjyshes së saj , Salë Jasharit Sala e cila kishte mbetur e vdekur bashkë me 58 anëtarët tjerë të Familjes së Adem Jasharit
Sala Jashari aderoi në PDK në qershor të vitit 2024. “PDK do të jetë më e pasur dhe më e fuqishme për zgjedhjet e ardhshme”, kishte deklaruar kryetari i PDK-së, Memli Krasniqi.
