Kandidati për kryetar të komunës së Skenderajt nga PDK, Sami Lushtaku, ka prezantuar listën e kandidatëve për asamble nga kjo parti, raporton Gazeta Online Veriuinfo.
Lushtaku ka thënë se kjo listë përfaqëson qytetin dhe të gjitha bashkësitë lokale të Skenderajt.
“Me këtë ekip, ne jemi të bindur se do të vazhdojmë rrugën e zhvillimit, duke i dhënë prioritet punës dhe projekteve zhvillimore, transparencës dhe interesit të qytetarëve tanë!” – shkruan Lushtaku.
Postimi i plotë:
Sot, si kandidat për kryetar të komunës së Skenderajt në zgjedhjet e 12 Tetorit, kam kënaqësinë të prezantoj listën e kandidatëve tanë për Kuvendin Komunal, një listë që përfaqëson qytetin dhe të gjitha bashkësitë tona lokale.
Kjo është një listë e mbushur me profesionistë të fushave të ndryshme, me njerëz të përkushtuar dhe të vendosur për të punuar për të mirën e përbashkët përmes unitetit, besimit dhe vizionit për një Skenderaj të zhvilluar e të drejtë.
Me këtë ekip, ne jemi të bindur se do të vazhdojmë rrugën e zhvillimit, duke i dhënë prioritet punës dhe projekteve zhvillimore, transparencës dhe interesit të qytetarëve tanë!
SL
