Kuvendi Komunal i Prishtinës, në një seancë të jashtëzakonshme është duke diskutuar për buxhetin për vitin fiskal 2026, për kryeqytetin.Në seancë nuk ndodhet kryetari i Prishtinës, Përparim Rama.
Drejtoresha për Financa, Valbona Makolli tha se ky projektbuxhet është i orientuar në nevojat reale të qytetarëve. Ajo shpjegoi se buxheti është i ndarë në pesë kategori ekonomike: në kategorinë e pagave dhe mëditjeve janë 48.3 milionë euro, kategoria e mallrave dhe shërbimeve kap vlerën prej 32 milionë, shpenzimet e komunalive 3 milionë e gjysmë, subvencione dhe transfere 6.8 milionë dhe investimet kapitale 60 milionë e 800 mijë.“Ky buxhet është i orientuar tërësisht në nevojat reale të qytetarëve. Buxheti është i ndarë në pesë kategori ekonomike: në kategorinë e pagave dhe mëditjeve janë 48.3 milionë euro, kategoria e mallrave dhe shërbimeve kap vlerën prej 32 milionë shpenzimet e komunalive 3 milionë e gjysmë, subvencione dhe transfere 6.8 milionë dhe investimet kapitale 60 milionë e 800 mijë. Ky buxhet është i përcaktuar në versionin e transformimit te kryeqytetit. Ndër projektet më të mëdha që do të vazhdohen ose do të mbyllen në këtë vit fiskal është projekti i Xhorxh Bushit, rruga A, nënkalimi Agim Ramadani, Unaza e Brendshme, Ishulli Urban e të tjera”, tha ajo.
Lëvizja Vetëvendosje kritikoi mospraninë e kryetarit Rama në këtë seancë. Asamblisti i VV-së Gëzim Sveçla kritikoi projektbuxhetin, për të cilin tha se nuk do ta votojnë.“Është alarmante që tri projektet kryesor në buxhet janë projekte me probleme ligjore dhe janë objekt trajtimi nga organet e drejtësisë. Sheshi Xhorxh Bush, lidhja e Arblërisë me qendrën dhe tuneli në rrugën Agim Ramadani. Ne zgjedhim anën e qytetarëve. Lëvizja Vetëvendosje nuk ka votë për këtë buxhet”, tha ai, reporteri.net
