Sindikalisit, Ali Sefaj, ka kritikuar ashpër Ministrinë e Bujqësisë për mospagesën e bujqëve për pleh artificial dhe mossubvencionimin për cilësi të qumshtit për gjashtë mujorin e parë.
Ai ka thënë se tash është mbyllja e sezonisht të vjeshtës dhe ministri Faton Peci ende nuk i ka kryer pagesat për këto kategori.
“Nuk po flas për grante, sepse për katër vite qeverisje, Ministri Peci nuk ka arritë të përfundoj grantet as për dy vite, në vend qe të ndaheshin grantet në katër vite.” – ka shkruar ndër të tjera ai në Facebook.
Shkrimi i plotë:
Jemi në mbyllje të mbjelljes në sezonën e vjeshtës por Ministria e Bujqësisë hala nuk ua ka paguar fermerëve pjesën e subvencione për pleh artificial dhe as subvencionin për cilësi të qumshtit për 6 mujorin e parë.
Nuk po flas për grante, sepse për katër vite qeverisje, Ministri Peci nuk ka arritë të përfundoj grantet as për dy vite, në vend qe të ndaheshin grantet në katër vite.
Ama nëse e sheh Facebook-un, Faton Peci po shkelqen si minister, ndërsa nëse ua sheh punët, i kanë llugë nepotizem, keqpërdorime dhe abuzime!
