Pas tentativës për fshehjen e veturës së Baronit të drogës, Brilant Bahtiri, birit të Baronit tjetër të drogës, Shemsi Bahtiri, është arritur që sot, përpjekja e tij për ta futur në Kosovë nga pika e kalimit kufitar Vërmicë/Kosovë, në mënyrë të fshehtë dhe pa u vënë re, të pamundësohet nga autoritetet kosovare.
Falë angazhimit të vazhdueshëm, të pandalshëm dhe të palodhur të hetuesve të Anti-Drogës dhe trajtimit të shumë informatave të ardhura në Policinë e Kosovës, është arritur që vetura superluksoze Lamborghini Urus e Baronit të drogës, Brilant Bahtiri, të ndalohet nga hetuesit e Anti-Drogës së Kosovës dhe e njëjta të sekuestrohet.
Vlera e kësaj veture kap shumën mbi 300.000 euro.
Vlen të theksohet se Baroni i drogës, Brilant Bahtiri, është në kërkim ndërkombëtar në llogari të drejtësisë kosovare në rastin e koduar “Qielli i Thyer”, si dhe babai i tij, Shemsi Bahtiri, i afërt me Lëvizjen Vetëvendosje, është njëherësh i arrestuar në po këtë rast si i dyshuar për trafikim ndërkombëtar të narkotikëve (heroinë/kokainë), si dhe pastrim parash.
Kujtojmë se nga një operacion i njësitit antidrogë të Policisë së Kosovës në bashkëpunim me Prokurorinë Speciale e INTERPOL-in i datës 04.06.2025 ka rezultuar me arrestimin e 22 personave të dyshuar për trafikim me narkotikë.
Në mesin e të arrestuarve është kapur edhe bossi kryesor i këtij grupi, Shemsi Bahtiri, i cili del të jetë një eksponent i Lëvizjes Vetëvendosje – i afërt me Albin Kurtin e Xhelal Sveçlën.
Se Bahtiri është i afër me VV’në u konfirmua sot nga vet partia.
Partia e Kurtit përmes një njoftimi ka thënë se kanë marrë vendim që ta largojnë nga partia.
Të dyshuarit janë: Shemsi Bahtiri, Rexhep Nikçi, Arianit Krasniqi, Abedin Gjakova, Ragip Bislimi, Armend Ismajli, Rifat Buçetaj, Erduan Ismajli, Andi Vokshi, Blerim Sharapolli, Ylli Musliu, Safet Ljajic, Elez Elezi, Roland Beqiri, Avni Rekaliu, Edin Berisha, Ardian Mazrekaj, Kurbin Dezdari, Onur Vizdik, Lorik Tigani, Kenan Brovina, Kahraman Aksoy.
Personat e lartpërmendur janë arrestuar nën dyshimet për kryerjen e veprave penale “krim i organizuar”, në lidhje me trafikimin e narkotikëve dhe pastrimit të parave. Veprat penale, të pandehurit dyshohen se i kanë kryer përmes aplikacionit “SkyECC”.
