Skuadra spanjolle në finale ka mposhtur Romën pas ekzekutimit të penalltive me rezultat 4-1, shkruan IndeksOnline.
Koha e rregullt e ndeshjes përfundoi me barazim 1-1, ndërsa fitues nuk kishte as pas vazhdimeve dy herë nga 15 minuta.
Skuadra e Romës shkoi në pushim më epërsi 1-0, me golin e shënuar nga Paulo Dybala në minutën e 35-të.
Dhjetë minuta pasi filloi pjesa e dytë, Sevilla arriti të barazonte rezultatin falë një autogoli të Gianluca Mancini.
Ky është trofeu i shtatë i Sevillas në Europa League, duke mos humbur asnjë finale deri më tani, pasi i ka fituar të gjitha sa herë ka mbërritur në fund.
Ndërkohë Roma pasi fitoi Conference Leaguen në vitin e kaluar, ka dështuar të fitoj Europa Leaguen për herë të dytë në histori.
Hera e fundit kur skuadra italiane ishte në finale të këtij kompeticioni, atëkohë quhej Uefa Cup, në vitin e largët 1990/91, kur u mposht nga skuadra e Interit me rezultat të përgjithshëm 3-0 nga dy ndeshje.
Vlen të përmendet se kjo ishte finalja e parë e humbur nga trajneri Jose Mourinho, në garat ndërkombëtare./IndeksOnline/
