Shakira dhe Gerard Pique u ndanë pas 12 vitesh dhe siç raportojnë mediat botërore, ndarja ishte për shkak të tradhtisë bashkëshortore.
“Na vjen keq të konfirmojmë se po ndahemi. Për hir të fëmijëve tanë, të cilët janë prioriteti ynë më i lartë, kërkojmë që të respektoni privatësinë e tyre. Faleminderit për mirëkuptimin”, thuhet në deklaratën e përbashkët , e cila përfundimisht i dha fund thashethemet për një ndarje.
Siç raportojnë mediat spanjolle ditët e fundit, beteja mes ish-partnerëve emocionalë është zhvendosur në SHBA, dhe sipas njohurive të gazetës së respektuar madrilene “AS”, ish-partnerët janë takuar për kujdestarinë e djemve të tyre Sasha dhe Milan.
Ndonëse takimi ishte formal, ai përfundoi në një skandal të madh. Jordi Martin, një gazetar meksikan, pretendon se Shakira kërkoi që Pique të nënshkruante për Inter Miami në mënyrë që ai të mund të shihte fëmijët e tij. Edhe pse Pique po mendonte për ndryshimin e ekipit, ky propozim e zemëroi atë, pasi mendoi se do të qëndronte edhe një sezon në Barcelonë.
Kujtojmë që këngëtarja kolumbiane jeton në San Diego që prej ndarjes dhe planifikon të shkojë në Miami me fëmijët e saj. Do të shohim nëse mendimi i saj do ta inkurajojë futbollistin të ndryshojë ekip.
Data e radhës për takimin është 4 gushti dhe Shakira do ta takojë atë me fëmijët në Bahamas. Pique aktualisht është në një turne amerikan me Barcelonën dhe po përgatitet për El clasico në tokën amerikane. Nëse fëmijët dhe ish-partneri do të vijnë për ta mbështetur atë, mbetet për t’u parë./FrontOnline/
