Deputeti nga Partia Demokratike e Kosovës, Ferat Shala, i ka reaguar Ministrit të Financave, Hekuran Muratit për postimin që bëri lidhur me pagën mesatare, ku tha se me qeverinë Kurti, paga mesatare është rritur për 104 euro.
Shala në një prononcim për GazetaBlic, thotë se sot secili qytetarë jeton më keq se që ka jetuar para këtij mandati.
Tutje ai thotë se rezultatët e ministrit Murati dhe kryeministrit Kurti, në këtë mandat qeverisës janë rritja e energjisë mbi 120%, inflacioni mbi 40%, rritja e tatimit në pronë, rritja e importeve dhe ikja masive e të rinjëve.“Brenda këtij mandati të qeverisë, kemi patur rritjen e tatimit në pronë 100% për ekonomitë familjare, ndërsa tatimi në pronë për bizneset është rritur mbi 200%. Kemi rritjen e energjisë mbi 120%, kemi inflacionin mbi 40%, kemi rritjen e importeve mbi 5 miliardë. Kemi ikjen masive të të rinjëve nga vendi. Sot, secili qytetar jeton më keq seq kanë jetuar para këtij mandati. Sot edhe Ushtria e Kosovës kanë problem me ushqim. Fatkeqësisht, ditëve të fundit mësojmë se për rritjen e pensioneve të kategorive të dala nga lufta negociohet edhe me terroristë të shpallur ndërkombëtar. Pra, këto janë rezultatet e ministrit Murati dhe kryeministrit Kurti në këtë mandat qeverisës”, tha ai për GazetaBlic.
