Mbi njëzet banesa, lokale afariste dhe depo i janë sekuestruar afaristit Shefqet Cakolli.
Cakollit, të arrestuar në shtator të vitit të kaluar nën dyshimin për shpëlarje parash, i janë sekustruar pasuri në vlerë dy milionë euro.
Urdhrin e ka lëshuar të hënën Gjykata Themelore në Prishtinë, bazuar në një kërkesë të Prokurorisë Speciale të Kosovës, tha Prokuroria përmes një njoftimi për media.
Rasti është i koduar me emrin “Mati”
“PSRK njofton opinionin publik se në kuadër të këtyre hetimeve, deri tash pasuria e sekuestruar kap vlerën rreth 2,286,054.00 euro. Kjo pasuri shtesë është identifikuar gjatë hetimeve në bashkëveprim dhe mbikëqyrje të ngushtë me prokurorin e lëndës nga Prokuroria Speciale, në emrin e të dyshuarit Sh.C.”, thuhet në njoftim.
Cakolli ishte arrestuar bashkë me dy persona të tjerë, Vildan Cakollin dhe Adnan Krasniqin, në shtator të vitit të kaluar.
