Ish-banorja e “Big Brother VIP 2”, Dea Mishel, ishte një ditë më parë e ftuar në studion e emisionit “Ftesë në 5” në Top Channel.
Gjatë intervistës me Bieta Sulon, ajo foli për eksperiencën në shtëpinë më të famshme në Shqipëri por edhe me çfarë po merret tani.
Por jo vetëm kaq, pasi moderatorja e njohur e ngacmoi paksa edhe për pagesat që merr për reklama tani që “Big Brother VIP” ka përfunduar.
“Po nuk e them tani se më prish punë”, thotë Dea duke qeshur, ndërkohë Bieta i thotë: “Me sa zero, na thuaj zerot”.
“Me tre zero”, i përgjigjet ish-banorja e BB VIP, e cila shton se akoma nuk ka shkuar me katër zero.
