Shkrimtari dhe polici i njohur mitrovicas, Besim Hoti, ka publikuar librin e tij të ri, romanin me titull “E Harruara”
Ky libër është krijuar si një akt mbështetjeje për të gjithë ata që janë viktima të diskriminimit, pavarësisht formës që ai mund të marrë.
“E Harruara” trajton temat e diskriminimit dhe pasojat e tij, duke dhënë një mesazh të fuqishëm për barazi dhe drejtësi për të gjithë individët që janë anashkaluar ose të margjinalizuar nga shoqëria.
Përveç vlerës së tij letrare, ky libër ka edhe një qëllim humanitar. Të ardhurat nga shitja e tij do t’i dhurohen organizatës “Rrjeti i Grave të Kosovës”, një organizatë e njohur që punon për të mbrojtur dhe fuqizuar gratë në Kosovë, duke luftuar për të drejtat e tyre dhe duke siguruar mbështetje për ato që janë viktima të dhunës dhe padrejtësisë.
Ky veprim i Besim Hotit është një shembull i angazhimit të tij për të kontribuar në ndihmën dhe mbështetjen e atyre që kanë nevojë për ndihmë, duke përdorur artin dhe shkrimin si mjet për të dhënë një mesazh të fuqishëm shoqëror.
