Sot do të zhvillohet ndeshja e parë e ‘play-off’-it në Ligën e Konferencës së UEFA-s, ndërmjet dy skuadrave shqiptare, Shkupit dhe Ballkanit.
Emocionet e kësaj ndeshjeje, e cila zhvillohet në Shkup, do të mund t’i përjetoni edhe nëpërmjet ekranit televiziv.
Përballja e këtyre dy skuadrave do të transmetohet në dy kanale televizive: në RTK 1 dhe në Supersport, prej orës 21:00.
Ballkani synon të kualifikohet në fazën e grupeve të Ligës së Konferencës, që do të ishte një sukses i jashtëzakonshëm për futbollin kosovar, por të njëjtin synim e ka edhe klubi shkupjan.
Cilido klub që e arrin këtë gjë, atëherë do të gjindej për herë të parë në një fazë të tillë të garave evropiane.
