Presidentja e vendit, Vjosa Osmani, pas sulmit që ndodhi në kanalin e Ibër-Lepencit në Zubin Potok, ka takuar edhe ministrin e Mbrojtjes, Ejup Maqedonci, komandantin e FSK-së, Bashkim Jashari dhe drejtorin e AKI-së, Petrit Ajeti.
Sipas njoftimit nga presidenca, thuhet se në takim u diskutua për situatën e shkaktuar dhe masat që kanë ndërmarrë institucionet tona.
“Pas sulmit të fundit terrorist në infrastrukturën vitale të Kosovës, Presidentja Vjosa Osmani, gjatë ditës ka takuar edhe ministrin e Mbrojtjes, Ejup Maqedonci, komandantin e FSK-së, gjenerallejtënant Bashkim Jashari dhe drejtorin e AKI-së, Petrit Ajeti. Në këto takime u diskutua për situatën e shkaktuar nga sulmi në kanalin Ibër-Lepenc dhe masat që kanë ndërmarrë institucionet tona për ta menaxhuar situatën e krijuar.”
“Presidentja Osmani ka shprehur vlerësim të lartë dhe mirënjohje për të gjitha institucionet e Kosovës për menaxhimin e suksesshëm të situatës së krijuar.” – thuhet në njoftim.
