“Shpresoj të ketë qenë keqinterpretim në atë njoftim”; “i ka dhënë të drejtën e vetos”…
Me deklarata të tilla, Donika Gërvalla nga Partia Guxo zgjodhi t’ia ngarkojë fajin e radhës Gjykatën Kushtetuese, vendimi i të cilës merr si referencë pikërisht një dokument që mban gjurmët e Qeverisë Kurti 2.
Me tone të ashpra ndaj këtij institucioni, Gërvalla e cilësoi “gabimin më të madh të 25 viteve të fundit”, nëse – siç ajo dhe zyrtarë të tjerë të partive në koalicion me të po e propagandojnë – Gjykata “i ka dhënë të drejtën e vetos në formimin e institucioneve qendrore të minoritetit serb.”
“Nëse ajo që shkruan në atë njoftim për media do të thotë që Gjykata i ka dhënë të drejtën e vetos në formimin e institucioneve qendrore minoritetit serb, atëherë konsideroj që ky është gabimi më i madh i 25 viteve të fundit dhe ka për të na kushtuar me dekada ky gabim.
Shpresoj të ketë qenë keqinterpretim në atë njoftim. Shpresoj që kur të dalë vendimi i Gjykatës, unë ta kem lexuar gabim.” – deklaroi Gërvalla gjatë një interviste për “Istogu Channel”,
Në vendimin e fundit, Kushtetuesja iu referua rregullores së Kuvendit të miratuar më 22 korrik 2022 pikërisht nga qeveria Kurti 2.
Neni 12 i kreut “Zgjedhja e nënkryetarëve të Kuvendit” përcakton: “Kandidati për nënkryetar të Kuvendit nga radhët e komunitetit serb propozohet nga shumica e deputetëve serbë…”.
Pikërisht një formulim i tillë, e cila e ka paraparë fjalinë “nga shumica e deputetëve serb”, i jep peshë politike shumicës së deputetëve të Listës Serbe në procesin e konstituimit të Kuvendit.
Gërvalla vazhdoi me sulme ndaj Kushteuteses, duke i akuzuar për “mungesë profesionalizmi” dhe “vullnet të keq” – duke i akuzuar për vendime “kundërthënëse”.
“Gjykata Kushtetuese me dy vendimet e mëparshme më shumë e komplikoi situatën sesa që e sqaroi. Mungesa e profesionalizmit apo dëshira e keqe dhe vullneti i keq – të dyjat i dëmtojnë institucionet tona. Mos harroni që të dy vendimet e kaluara janë kundërthënëse, jo vetëm me vendimet e mëparshme por edhe mos vete.” – tha ajo.
Deputetja akuzoi atë që ajo e cilëson ‘opozitë – ndonëse vendi mbetet pa një qeveri legjitime – për “gabim trashanik” rreth mosvotimit të Nenad Rashiqit për nënkryetar të Kuvendit.
“Opozita, për mendimin tim, ka bërë një gabim trashanik që nuk e ka votuar Nenad Rashiqin për nënkryetar të Kuvendit, mirëpo ta konsiderosh këtë kuvend jo të konstituuar është një gabim fatal i cili përsëri po dua të shpresoj që është një keqlexim i një lajmërimi për media.”
