Presidentja Vjosa Osmani ka njoftuar se Kosova ka hapur zyrtarisht Ambasadën e saj në Kuala Lumpur, Malajzi, duke theksuar se kjo ka rëndësi strategjike për zhvillimin e vendit, raporton Gazeta Sinjali.
“Sot hapëm Ambasadën e Republikës së Kosovës në Kuala Lumpur, Malajzi. Një dritare e re për vendin tonë, me plot mundësi për bashkëpunim edhe më të thellë me Malajzinë”, shkroi Osmani.
Presidentja shtoi se kjo përfaqësi do të jetë një shtysë e re për avancimin e interesave të qytetarëve të Kosovës, fuqizimin e aleancave ekzistuese dhe mbrojtjen e vlerave të shtetësisë së Kosovës.
Ajo e përshkroi ambasadën si “një shtëpi më shumë e Kosovës”, në një nga rajonet më strategjike të Azisë, ku do të promovohet liria, pavarësia dhe sakrifica historike e popullit të Kosovës.
