Donald Trump do të jetë president i Shteteve të Bashkuara të Amerikës, gjatë mandatit të tij të parë, ai kishte emëruar emisar special për dialogu Kosovë-Serb, Richard Grenell.
Grenell kishte konfrontime të hapura me kryeministrin e Kosovës Albin Kurti, gjatë mandatit të parë të Kurtit i cili ishte jetëshkurtër, gjë për të cilën kishte ndikuar edhe vet Grenell.
Grenell vazhdimisht ka pretenduar se Kurti është “anti-amerikan”, – duke bërë kështu raportin mes tyre të tensionuar.
Për raportin e tyre kompleks, Adrian Shtuni, ekspert i politikës së jashtme dhe sigurisë më bazë në Uashington, në një intervistë për Radio Evropa E Lirë thotë se nuk do të ishte e favorshme për Kurtin nëse Grenell emërohet Sekretar i Shtetit, ndërkaq Kurti rizgjedhet kryeministër pas zgjedhjeve parlamentare të 9 shkurtit.
“Nuk do të ishte gjëja më e favorshme për kryeministrin Kurti nëse Grenell zgjidhet sekretar dhe Kurti rizgjedhet kryeministër pas zgjedhjeve të ardhshme”, ka thënë ai.
Megjithatë, Shtuni nuk beson se do të ketë ndryshim dramatik të qasjes amerikane ndaj Kosovës. Ka shtuar se prioritet amerikane do të vazhdojnë të mbesin të njëjta.
“Politika e jashtëzakonshme e SHBA-ve është dypartizane tradicionalisht, drejtohet nga presidenti formulohet në bazë të interesave kombëtare. Në bashkëpunim të ngushtë midis të dyja palëve, të spektrit politik. Partisë Demokratike dhe Republike. Nuk mendoj që do të ketë ndonjë ndryshim dramatik nga kjo administratë. Sigurisht çdo president ka strategjinë e vet dhe mënyrën e vet si do të zbatojë përparësitë e politikës së jashtme. Por, mendoj se prioritetet e SHBA-ve do të vazhdojnë të jenë të njëjta dhe në administratës Trump sa i përket Kosovës, pa një far ndryshimi thelbësor. Theksi do të të jetë mendoj te normalizimi i marrëdhënieve Kosovë-Serbi, nëpërmjet dialogut me qëllimin final për të arritur të njohja reciproke”, ka thënë ai.
Megjithatë, beson se qasja e Trumpit ndryshon, ai thotë se Trump ka dëshmuar se nuk do lojë fjalësh, por politika të prekshme.
Ndonëse ai personalisht nuk beson se presioni ndërkombëtar krijon marrëveshje stabile mes Kosovës dhe Serbisë, Shtuni nuk e përjashton mundësinë që gjatë administratës Trump të ketë presion për arritjen e një marrëveshjeje në mes Kosovës dhe Serbisë.
“Shumë kohë është humbur me lojëra fjalëve. Trump do rezultate të prekshme, nga ajo që kemi parë dhe njohur sipas formatit të mëparshëm. Mendoj se mund të ketë një rikthimi te marrëveshja për normalizim ekonomik që u përfundua gjatë fundit të mandatit të tij, por mendoj që synimi i administratës të re do të vazhdojë të jetë po ashtu dialogu. Pra, dialog që sjellë rezultate të prekshme”.
“Siç e shoh unë, presioni nuk ka munguar, por ka munguar vullneti në dialog për të zbatuar marrëveshjet që janë arritur. Personalisht nuk mendoj që një marrëveshje e qëndrueshme arrihet duke ushtruar presion, duhet vullneti i palëve. A mund të ketë presion të shtuar, mendoj që nuk mund ta përjashtojë – mund të ketë”, ka thënë ai. /Gazeta Express
