Seanca gjyqësore e ndëprerë në janarin e këtij viti për rastin ku Behar Halili, Shpëtim Tahiri dhe Mentor Beqiri akuzohen për tentim vrasjen e kryeinspektori të Inspektoratit të Punës në Mitrovicë, Nexhat Fazliu, ka vazhduar sot, raporton Gazeta Online Veriu.info.
Seanca gjyqësore filloi me pyetje nëse palët kanë pakënaqësi lidhur me përbërjen e trupit gjykues dhe pasi nuk kishin ankesa seanca vazhdoi me procedurat tjera.
Në prezantimin e palëve në seancë nuk është prezantuar njëri nga të akuzuarit, Shpëtim Tahiri, ku u pyet avokati i tij për mungesën.
Avokati Kadri Begolli deklaroi se nuk ka pasur asnjë kontakt me të mbrojturin e tij dhe nuk i di arsyet e mungesës së tij.
Kurse prokurorja Besa Limani e la në kompetencën e gjykatës këtë çështje, ku pas shqyrtimit të propozimeve trupi gjykues mori vendim për lëshimin e urdhërarrestit dhe sjelljen me detyrim të të akuzuarit Shpëtim Tahiri para gjykatës.
Aktvendimi i trupit gjykues ishte shtyjrja e seancës për datën 27 korrik 2022.
Foto: Shpëtim Tahiri
Sipas aktakuzës të pandehurit Behar Halili dhe Shpetim Tahiri po ngarkohen me veprat penale “Vrasje e rëndë në tentativë” dhe “Asgjësim apo dëmtimi i pasurisë”.
Ndërsa i pandehuri Mentor Beqiri, po ngarkohet me veprën penale shtytja në “Vrasje të rëndë në tentativë në bashkëkryerje” dhe “Asgjësimi apo dëmtimi i pasurisë”.
