Gazetari Ilir Mirena thotë se nuk duhet zënë besë Albin Kurtit, pasi sipas tij, ai nuk e ka mbajt fjalën as më herët.
Mirena në emisionin Pressing në T7 thotë se deklaratat e Kurtit s’bën të merren seriozisht.
“Asnjë deklatratë të Kurtit sbën me i zë besë, kush i zë besë këtij, është me i zë besë dhelprës nëse flet diçka për konsensus me pula, e njëjta situatë është. Sbën me marrë seriozisht”.
Tutje, Mirena foli edhe për takimin e sotëm të presidentes Vjosa Osmani me liderët e partive politike, për të diskutuar për zhbllokimin e institucioneve të Kosovës.
Mirena thotë se është absurde të kërkohet ndihmë nga presidentja Osmani, kur thotë se ajo është në dertin e saj, se si të rizgjidhet prapë presidente.
Ai madje shton, se po flitet se Vjosa Osmani ka idenë e krijimit të një partie politike të re.
“Edhe ky takim për mendimin tem është veq një farë farse, nga postimi i presidencës, aty po shohim që nuk ka naj sinjal që diçka mundet me lëvizë. Partitë politike kur po lypin zgjedhje te presidentja, e kanë gabim, sepse Osmani është vetë në hallin e vet, e ka dertin se a ka mundësi edhe një herë me u rizgjedh. Me prit zgjedhje prej saj pom doket pak absurde. Një shehër është ka flet, që Vjosa e ka idenë e krijimit të një partie politike të re”, përfundon Mirena.
