Tifozët e Al Nasr janë kthyer plotësisht kundër Cristiano Ronaldos pasi kanë vënë re atë që ai bëri gjatë humbjes ndaj Al Itihad.
Ëndrra e tyre për kampionatin tani ka mbaruar gjithashtu dhe Ronaldo, i cili nuk arriti të shënonte, tregoi frustrimin e tij kur Aouar shënoi në minutën e 94-t.
Ai mund të shihej duke ngritur duart lartë me neveri ndërsa kritikohej nga tifozët e Al Nasr në rrjetet sociale.
Portugezi u cilësua si “qesharak” dhe disa tifozë duan që atij t’i hiqet shiriti i kapitenit.
“Shikoni si po sillet kapiteni ynë qaraman. CR7 është gjëja më e keqe që i ka ndodhur ndonjëherë Al Nasr. Ultrasit po e kërkojnë këtë. Largojeni Cristiano Ronaldon nga klubi im. TANI”, shkroi një tifoz në platformën X, përcjell Panorama.
“Po i lëviz duart sikur të ketë bërë diçka këtë sezon”, “Filloni me shiritin e kapitenit… ai nuk e meriton shiritin e kapitenit” dhe “Ai e mashtroi Al Nasr për 3 vjet të plota për 900 milionë dollarë”, ishin disa nga komentet tjera të tifozëve.
