Agjencia e Ushqimit dhe Veterinarisë ka ndaluar importin e hiq më pak se 21 mijë e 280 kg koncentrat pie me afat të skaduar, importuar nga kompania Laberiob SHPK me pronar Bashkim Osmani, raporton Gazeta Online Veriu.info.
Kjo kompani së cilës iu ndalua importi, është në pronësi të Bashkim Osmanit ndaj të cilit prokuroria ka ngritur aktakuze për fajde.
I njëjti në vitin 2023 ishte arrestuar për rastin e fajdes me disa persona tjerë.
“Laberion” të Bashkim Osmanit iu ndalua për import sot një sasi e koncentratit me afat të skaduar e cila paraqet rrezikshmëri të lartë për qytetarët.
“Pas kontrollit të dokumentacionit dhe inspektimit fizik të mallit nga Inspektorati Fito Sanitar, është konstatuar se koncentrati për pije kishte afat të skaduar dhe, si pasojë, është ndaluar hyrja e tij në Republikën e Kosovës. Ky vendim është marrë në përputhje me legjislacionin në fuqi për sigurinë ushqimore, i cili përcakton se produktet me afat të skaduar paraqesin rrezikshmëri të lartë për konsumatorët, dhe si të tillë, ato nuk lejohen të hyjnë në territorin e Kosovës.” – thuhet në njoftim.
Njoftimi i plotë nga AUV:
Agjencia e Ushqimit dhe Veterinarisë ndalon importin e 21,280 kg koncentrat për pije me afat të skaduar
Agjencia e Ushqimit dhe Veterinarisë, në kuadër të Ministrisë së Bujqësisë, Pylltarisë dhe Zhvillimit Rural, njofton se ka refuzuar importin e një sasie prej 21,280 kg koncentrat pije (lëng portokalli – 65 përzierje aseptike konvencionale), i cili ishte eksportuar nga kompania ProdalimBV, me seli në Vierhavensstraat 30, 3029 BE, Rotterdam, Holandë, dhe importuar në Kosovë nga Laberion SH.P.K., 32 Llapi Street, Podujevë.
Pas kontrollit të dokumentacionit dhe inspektimit fizik të mallit nga Inspektorati Fito Sanitar, është konstatuar se koncentrati për pije kishte afat të skaduar dhe, si pasojë, është ndaluar hyrja e tij në Republikën e Kosovës. Ky vendim është marrë në përputhje me legjislacionin në fuqi për sigurinë ushqimore, i cili përcakton se produktet me afat të skaduar paraqesin rrezikshmëri të lartë për konsumatorët, dhe si të tillë, ato nuk lejohen të hyjnë në territorin e Kosovës.
Ministria e Bujqësisë, Pylltarisë dhe Zhvillimit Rural, përmes Agjencisë së Ushqimit dhe Veterinarisë, mbetet e përkushtuar në monitorimin e vazhdueshëm të zinxhirit ushqimor, me qëllim garantimin e sigurisë ushqimore dhe mbrojtjen e shëndetit publik në Kosovë.
