Sonte në Champions League zhvillohet beteja për ‘më të fortin e Madridit’.
Në “Civitas Metropolitano” përballen Atletico dhe Reali, me fillim nga ora 20:45.
Të dyja skuadrat do ta kërkojnë biletën për në çerekfinale.
Nga ndeshja e parë, “Los Blancos” kanë një epërsi minimale prej 2:1.
Mbetet të shihet nëse skuadra e Diego Simeones do të arrijë ta rikthejë disavantazhin nga “Santiago Bernabeu”.
Mbrëmja futbollistike nis me lojën Lille – Dortmund.
Skuadra ku luan edhe futbollisti Edon Zhegrova, nga përballja e parë në Gjermani, kanë arritur të marrin një barazim të vlefshëm 1:1.
Kjo ndeshje nis nga ora 18:45.
Në anën tjetër, Arsenali thuajse e ka kryer punën sa i përket një vendit në fazën tjetër.
“Topçinjtë” e kanë “bombarduar” PSV Eindhovenin në ndeshjen e parë, duke fituar me rezultat 1:7.
Arsenal – PSV nis nga ora 21:00.
Jo më pak e rëndësishme, është ndeshja mes Aston Villas dhe Club Brugge-it.
Në ndeshjen e parë si mysafirë, anglezët fituan me rezultat 1:3, ndaj ekipit ku luan edhe Ardon Jashari.
Derisa mbrëmë katër skuadra veçse e siguruan një vend në çerekfinale: Bayern Munchen, Inter, Paris Saint Germain dhe Barcelona.
