Punëtorët e Comodita Home kanë protestuar sot për paga dhe kushte, transmeton VeriuInfo.
Kështu ka thënë zyrtarja e lartë e LVV, Dejona Mihali, e cila ka lëshuar edhe kunja për mediat me pretendimin se kjo protestë nuk mund të dalë në media, kinste për shkak të ndikimit që kanë Devollët.
Postimi i Dejona Mihali:
Sot protestuan punëtorët e Comodita Home, kompani e Devollit. Ata protestuan për kushtet e munguara të punës, pagat e ulëta e një seri çështjesh që nuk zbatohen nga ligji i punës. Por kjo protestë nuk mund të dalë në TV a media. Fundja kujt i duhet të mbrojë punëtorët në Gjakovë e të prishet me Devollët? Sa më shumë reklamë, aq më shumë “informim”.
Ndryshe, në ueb faqen e Comodita Home thuren lavde, thuhet se rrjeti i tyre i dyqaneve ka mbi 2500 punonjës dhe është i pranishëm në të gjithë Kosovën me 31 dyqane, në Shqipëri me 24 dyqane dhe në Maqedoni me 23 dyqane.
