Analisti Nexhmedin Spahiu ka kritikuar emërtimin e rrugëve në komunën e Mitrovicës së Veriut, raporton Gazeta Online Veriu.info.
Ai ka thënë se gjysma e rrugëve kanëemra shqiptarë e gjysma tjetër emra serbë, por jo edhe emra boshnjak duke pas parasysh që ky komunitet jeton në këtë qytet.
Ai ka thënë se është turp për kryetarin Erden Atqi, kryeasamblistin Nedžat Ugljanin, nënkryetarin Skender Sadiku dhe për ministrin Elbert Krasniqi.
Postimi i plotë:
Dje Asambleja e Komunës Veriore të Mitrovicës ka ndryshuar emrat e rrugëve në pjesën veriore të qytetit ku të gjitha emërtimet kanë qenë nga e kaluara e Serbisë. Tani nga raportimet e mediave, gjysma e rrugëve janë me emra shqiptarë e gjysma me emra serbë pa asnjë lidhje historike me qytetin e Mitrovicës me ndonjë përjashtim. Asnjë emër boshnjak edhe pse këtu është një mahallë e tërë që quhet Mahalla e Boshnjakëve. Ky është disrespekt ndaj këtij komuniteti etnik që jeton në këtë qytet. Turp për kryetarin Erden Atiq , kryeasamblistin Nedžat Ugljanin, nënkryetarin Skender Sadiku dhe për ministrin Elbert Krasniqi .
