Para mediave, shefi i qeverisë këto ushtrime i quajti provokim ndaj vendit.
Teksa po merrte pjesë në përurimin e segmentit Vushtrri-Prishtinë, Kurti ndër të tjera veçoi se njësitë serbe që po kryenin aktiviteteve në kufi me Kosovën, sipas tij janë njësi që e kishin trajnuar Milan Radoiçiqin për sulmin në Banjskë.
“Provokim i Serbisë. Bëhet fjalë për njësi që e kanë trajnuar kryekriminelin Radoiçiq për sulmin në Banjskë të Zveçanit. Forcat tona janë të përgatitura, dhe kufiri ynë është i mbrojtur”, tha Kurti.
Kujtojmë se stërvitjet e ushtarëve serbë në afërsi të fshatrave të Gjilanit për Klankosova.tv i ka konfirmuar edhe KFOR-i, i cili tha se janë aktivitete që nuk përbëjnë rrezik për sigurinë.
