Presidentja Vjosa Osmani, e pyetur për sulmte që Kryetari i VV-së Albin Kurti dhe nënkryetari Glauk Konjufca ia bënë Gjykatës Kushtetuese, ajo tha se s’ka arritur t’i shoh ato.
Por, pavarësisht kësaj, ajo thotë se Kushtetuta s’e ndalon të komentohen vendimet e Gjykatave, pasi është e pamundur të ketë pajtim të plotë dhe kur diçka e tillë është në suaza të demokracisë, atëherë është krejt normale.
“Sa i përket deklaratës së Ambasadës gjermane, ku thuhet qartë që institucionet e drejtësisë duhet të punojnë në mënyrë të pavarur. Si Presidente e kërkoj pikërisht këtë. Kërkoj pavarësi në vendimarrje, integritet, interpretim të Kushtetutës në interes të Republikës, dhe mbrojtje nga rrezikimet. Përderisa kërkoj një gjë të tillë nuk konsideroj se jam duke e minuar punën e Gjykatës”.
“Sa i përket sulmeve në përgjithësi, se nuk kam mujt as me i pa. Ta themi një gjë të qartë, se Kushtetuta se ndalon që ne të komentojmë vendime të Gjykatave, nuk ndalohet askund, as nuk ndalohet kritika për Gjykata. Është e pamundur me pas pajtim të plotë, janë në suaza të demokracisë”, tha ajo.
