Personi që ra në prangat e Policisë të enjten pasdite në Fushë Kosovë, nuk është një emër i panjohur për publikun
Burime të Sinjalit konfirmojnë se bëhet fjalë për Kenan Hasanin – i dënuar për sulmin ndaj gazetarit Valon Syla, që kishte ndodhur më herët dhe kishte shkaktuar reagime të mëdha në opinion.
Të gjitha toksinat dhe kapsllëku do të dalin brenda 24 orëve
Hasani ishte dënuar me 1 vit e 6 muaj burgim për veprën penale “Lëndim i lehtë trupor”, ndërsa pas shpalljes së vendimit të formës së prerë, ai kishte shmangur ekzekutimin e dënimit dhe ishte në kërkim nga organet e rendit.
Arrestimi është bërë më 24 prill 2025, rreth orës 14:00, në rrugën “Silifike” në Fushë Kosovë, ku njësitet e zbatimit të urdhëresave të Gjykatës Themelore në Prishtinë kanë ndërhyrë dhe e kanë lokalizuar Hasanin, duke e dërguar më pas në Qendrën e Paraburgimit në Prishtinë për vuajtjen e dënimit.
Rasti i sulmit ndaj gazetarit Valon Syla ishte cilësuar nga mediat dhe spektri politik si cenim i lirisë së shprehjes dhe një akt i rëndë ndaj profesionit të gazetarit, për çka ishte kërkuar drejtësi e plotë dhe ndëshkim shembullor.
Vlen të theksohet se ata që dolën para gjykatës për këtë rast, u shprehën me një qetësi të padurueshme që “nuk i njohin ligjet e Kosovës, veç ligjin e Allahut”.
