Kryeministri i Kosovës, Albin Kurti, ka zbuluar se çfarë i është thënë nga diplomatët e huaj përpara mbajtjes së zgjedhjeve të 3 prillit në Serbi.
Kurti, në një intervistë për ‘The Geopost’ ka thënë se i është thënë që të “kursehet Serbia, Beogradi dhe presidenti i saj” nga kritikat.
“E mbaj mend shumë mirë marsin e kaluar kur ne në Kosovë na thanë, të lutem, kurseje Serbinë, Beogradin, presidentin nga retorika e kritikave të ashpra, sepse pas 3 prillit, kur do të mbahen zgjedhjet në Serbi, ata do të ndryshojnë orientimin dhe do të jenë plotësisht i drejtuar nga perëndimi. Kjo nuk ndodhi, ndaj duhet të nxjerrim disa mësime, pritshmëritë që kanë ekzistuar për presidentin aktual nga pala perëndimore nuk janë realizuar”, deklaroi kryeministri.
