Se Lëvizja Vetëvendosje qendra në Mitrovicë ka probleme të shumta të brendshme dhe përçarje po dëshmohet pothuajse çdo ditë.
Së fundi një gjë të tillë e ka dëshmuar edhe anëtari i kësaj partie në Mitrovicë, Musa Ajeti, i cili ka akuzuar se Këshilli i kësaj partie është jolegjitim, raporton Gazeta Online Veriu.info.
Sipas tij kjo dëshmohet nga fakti se ky këshill sipas tij e ka zgjedh vetveten duke mos mbajtur mbledhje nëpër pika.
Ai thotë se kjo ka ndodhur në nëndegën e tij ku është nënkryetar dhe në 80% të pikave.
Këto deklarime i ka bërë në lajmin e Veriu.info për përçarjet e Guxo dhe Vetëvendosjes në Mitrovicë, ku Visar Syla pasi nuk kaloi në Këshillin e VV-së hyri si kandidat në për asamble në Guxo.
https://www.facebook.com/share/p/1M3gmFvgLz/
Ajeti ishte pjesë e aktivistëve të Vetëvendosjes në aksionin e vitit 2016 tek shtëpia e ish kryetarit të PDK-së Kadri Veseli.
Madje në komunikatën e VV pretendohej se policia kishte ndërhyrë brutalisht duke lënë Ajetin pa vetëdije./Veriu.info/
