Komuna e Mitrovicës me 4 shtator 2023 ka shpallur tender me titull “Punimi,montimi dhe Vendosja e Shtatores se UÇK-së dhe punët përcjellse në Kodren e Cërrnushes”.
Sipas vendimit të shpallur nga zyra e prokurimit e Komunës së Mitrovicës, fituesi i këtij tenderi është përzgjedhur më 24 tetor 2023, përderisa në faqen zyrtare të KRPP-së ky vendim është shpallur më 21 nëntor 2023, raporton Veriu.info
Punimet deri më tash duket se janë kryer me një shpejtësi të madhe, pasi që komuna javën e kaluar kishte njoftuar se ky projekt do të përurohet për të premten e shkuar, mirëpo për shkak të kushteve atmosferike ai është shtyer për këtë javë pa u caktuar një ditë e veçantë.
Ajo që Veriu.info ka gjetur është se me rastin e shpalljes në tender, ky projekt ishte parashikuar të kushtoj 100 mijë euro.
Por që si në shumë raste deri më tash, komuna e Mitrovicës operatorin fitues e ka shpërblyer me kontratë për këtë tender në vlerë prej 119 mijë euro. Pra, 19 mijë euro mbi vlerën e parashikuar.
Sipas ligjit të prokurimit publik, autoriteti kontraktues (në këtë rast komuna) ka të drejt të anuloj tenderin nëse ofertuesi më i lirë i përgjegjshëm ka ofertuar mbi vlerë të parashikuar të tenderit.
Sipas dosjes së tenderit, afati i garancionit të punëve të kryera është 365 ditë./Veriu.info
