Një tentim-vrasje me armë zjarri ka ndodhur sot në Stanoc, ku ka mbetur i plagosur një 27 vjeçar.
Burime të Veriu.info bëjnë të ditur se dyshohet që babai e ka plagosur djalin e vet.
Plagosjen për Veriu.info e ka konfirmuar edhe zëdhënësi i policisë, Avni Zahiti, i cili ka treguar se ngjarja ka ndodhur rreth orës 18:00.
“Rreth orës 18:00, është pranuar informata se në fshatin Stanovc të Vushtrrisë, ka ndodhur një rast plagosje nga arma e zjarrit. Sipas informacioneve të para hetimore, viktima-mashkull rreth 27-vjeçar-ka pësuar plagë nga arma e zjarrit dhe është dërguar për trajtim mjekësor. Sipas autoriteteve mjekësore, i plagosuri është jashtë rrezikut për jetë, ka thënë Zahiti për Veriu.info.
Ai ka bërë të ditir se në vendin e ngjarjes janë gjetur katër gëzhoja.
“Hetuesit policor, nën udhëheqjen e prokurorit kompetent, kanë nisur hetimet në drejtim të veprës penale ,,Vrasje e rëndë e mbetur në tentativë”. Policia është në kërkim të personit të dyshuar i cili dyshohet se ka shtënë me armë”, ka thënë Zahiti për Veriu.info.
