Sot në orët e mëngjesit është tentuar t’I futet zjarri marketit QTA që gjendet në hapësirat e Stacionit të Autobusëve në Mitrovicë.
Veriu.info ka siguruar pamje ku shihet se policia ka dalë në vendngjarje dhe po kryen hetime.
Rastin për Veriu.info e ka konfirmuar edhe zëdhënësi i policisë për rajonin e Mitrovicës së jugut, Avni Zahiti, i cili ka thënë që dyshohet se dikush ka hedhur një koktej molovi në këtë market.
“Është raportuar se ne rrugën “Mbretëresha Teutë ” në Mitrovicë, një person i dyshuar ka hedhur një shishe me lëndë- ndezëse në një market! Nuk raportohet për të lenduar. Njësitet përkatëse policore kanë nisur hetimet për veprën penale ‘shkaktim i rrezikut të pergjitheshem’”, ka thënë zëdhënësi Zahiti për Veriu.info, duke bërë të ditur se ngjarja ka ndodhur rreth orës 06:45 dhe është cilësuar si shkaktim i rrezikut të përgjithshëm.
Ndryshe, prej disa muaj Veriu.info është duke e zhvilluar një hulumtim për dhënien e këtij lokali me qira nga ndërmarrja ‘Stacioni i Autobusëve’ – Mitrovicë për marketin QTA përmes një kontrate të kundërligjshme dhe favorizuese për këtë kompani private.
