Kryetari i Lidhjes Demokratike të Kosovës, Lumir Abdixhiku, ka propozuar Qeveri të Unitetit si zgjedhje për të dalë nga ngërçi institucional ku është futur vendi.Abdixhiku ka shpalosur sot në një konferencë për media planin prej 15 pikash.
“Le të ulemi le të merremi me çështje praktike, le të merremi me këto 15 pika. Unë kam shtrirë dorën e bashkëpunimit, jo për koalicion qeverisës por për kapërcimin e kësaj çështje nëpërmjet qeverisë se unitetit”, tha Abdixhiku.
Në lidhje me këtë propozim të kryetarit të LDK-së, ka folur për “Gazeta Blic”, politikania, Melihate Tërmkolli.
Tërmkolli duke iu referuar këtij propozimi tha se ‘ata nuk janë LDK’.Sipas Tërmkollit të njëjtit (LDK-ja) janë ‘tuxharë sorosianë’ që e kanë uzurpuar këtë subjekt politik për pazaret e tyre.
“Ata nuk jane LDK! Jane vec do tuxhare sorosiane qe e kane uzurpuar ate per pazare te tyre” tha Tërmkolli në përgjigjen e dhënë.
Dje ka dështuar për herë të 30-të të konstituohet Kuvendi i Kosovës.
Propozimi për kryetar Kuvendi i Lëvizjes Vetëvendosje, Albulena Haxhiu, s’ka arritur as pas 30 tentativash që t’i marrë votat e nevojshme.
Partia që ka dalë e para në zgjedhje, LVV-ja, ka propozuar votim të fshehtë për kryekuvendarin, propozim i cili s’po gjen mbështetjen e partive të tjera.
