Presidenti Donald Trump sugjeroi se Shtetet e Bashkuara mund të jenë të përfshira në sigurimin e Ngushticës së Hormuzit në një “bashkëpunim të përbashkët” me Iranin, raporton CNN.
“Po mendojmë ta bëjmë si një bashkëpunim të përbashkët,” i tha Trump Jonathan Karl nga ABC News, kur u pyet për tarifat që Teherani po vendos për kalimin në ngushticë. “Është një mënyrë për ta siguruar – dhe gjithashtu për ta mbrojtur nga shumë persona të tjerë.”
Nuk është e qartë nëse Irani do të ishte i hapur ndaj këtij plani, ndërsa bisedimet pritet të vazhdojnë gjatë armëpushimit dyjavor.
Më herët këtë javë, Trump tha se ai do të preferonte që SHBA, në vend të Iranit, të vendoste një tarifë për anijet që kalojnë në Ngushticën e Hormuzit.
