Opinionisti Vehbi Kajtzi ka folur për kushtet në të cilat qëndrojnë ish-krerët e UÇK-së në Hagë.
Sipas tij, ushqimi atje është kryesisht i konservuar dhe se e vetmja mënyrë që ata që ushqehen mirë është që të ushqehen vetë.
“E kanë atë që duhet kantinë, aty shkojnë dhe e blejnë ushqimin dhe natyrisht se duhet ta blejnë me paratë e veta. Jo secili qëndron mirë financiarisht, është Salih Mustafa i cili nuk i ka punët mirë nga ana financiare. Tash duhet familja të kujdeset për ushqim dhe dieta e tij duhet te jete më e veçantë për shkak të telasheve shëndetësore”, deklaroi Kajtzi për emisionin Kosova Today .
Më tej ai tregoi se ndaj Mustafës po bëhet edhe një padrejtësi tjetër.
“Ai po vazhdon të mbahet në një qendër paraburgimi, dhe kjo është shkelje flagrante e të drejtave të njeriut. Ditën që është vërtetuar gjykimi nga shkalla e dytë, pra nga Gjykata e Apelit, ai është dashur të transferohej në një qendër korrektuese, ndërsa kjo nuk ka ndodhur, dhe kjo është shkelje flagrante”, tha Kajtazi.
