Vazhdon koketimi i Idrizit të PDK-së me njerëzit e afërt të Kurtit – pamje nga nënshkrimi i marrëveshjes më vëllain e drejtorit të tij është vartës i Liburn Aliut
Pushteti prej mbi 50% i Lëvizjes Vetëvendosje jo rrallë herë ka tundur edhe orientimet politike të zyrtarëve të lartë të partive tjera, të cilët nëse jo hapur, kanë koketuar me partinë në pushtet duke dhënë shpeshherë doza admirimi për të.
Një afërsi të tillë me partinë në pushtet e kemi parë disa herë edhe nga kryetari i Vushtrrisë, Ferit Idrizi, i cili i takon Partisë Demokratike të Kosovës, parti e cila është akuzuar nga Vetëvendosje për çdo gjë të keqe që ka ndodhur në këtë vend, shkruan Veriu.info.
Së fundit kryetari Idrizi ka nënshkruar një marrëveshje bashkëpunimi për zona kadastrale me kryeshefin e Agjencisë Kadastrale të Kosovës, Avni Ahmeti, agjenci që menaxhohet nga qeveria qendrore, përkatësisht ministria e drejtuar nga Liburn Aliu. Pra, Ferit Idrizi ka nënshkruar marrëveshje me vëllain e drejtorit të tij të Drejtorisë së Kadastrit, Remzi Ahmetit.
Foto: Ceremonia e nënshkrimit të marrëveshjes (Liburn Aliu, Ferit Idrizi dhe Avni Ahmeti)
Në këtë ceremoni Kryetari i Vushtrrisë është shoqëruar pikërisht nga drejtori i Kadastrit, Remzi Ahmeti me të cilin edhe ka publikuar një fotografi.
Foto: Ferit Idrizi dhe Remzi Ahmeti
Edhe pas emërit të Remzi Ahmetit drejtor komunal nga Ferit Idrizi i PDK-së, ai ka vazhduar të ushtroj detyrën e drejtorit të Bordit në Telekomit e Kosovës me vendim të Qeverisë Kurti.
(Deklarimi i pasurisë për vitin 2023 nga Remzi Ahmeti)
Idrizi siç shihet në fotografi, shfaqet “i lumtur” krahë zyrtarëve të qeverisë Kurti, përfshirë edhe Liburn Aliun.
Drejtori aktual i Kadastrit në Vushtrri, Remzi Ahmeti, ishte zgjedhur drejtor bordi në Telekomin e Kosovës më 2021 nga qeveria Kurti, ku pas disa muajsh ishte emëruar fillimisht Drejtor komunal i Financave nga Ferit Idrizi, për t’i dhënë më pas si për koicidencë në udhëheqje Drejtorinë e Kadastrit. Si duket për ta pasur më të lehtë kryerjen e punëve me nivelin qendror të Kadastrit, ku drejtor është vëllai i tij.
Por afërsia e vëllezërve Ahmeti me Vetëvendosjen duke marrë pozita të rëndësishme, nuk e ka penguar kryetarin nga radhët e PDK-së, që të koketojë me ta, madje njërin duke e emëruar në pozitën e drejtorit në komunë, derisa shumë zyrtarë tjerë të partisë janë injoruar tërësisht në emërimin e pozitave politike.
Akuzat nga Vetëvendosje në adresë të PDK-së nuk u ndalën as në momentin kur kaluan nga opozita në pushtet.
E krejt kjo klimë politike polarizuese e akuzuese nuk ka penguar që kryetari Ferit Idrizi nga PDK, të ngarend të takohet, bashkëpunojë e fotografohet me zyrtarë të pushtetit.
Kur shumë zyrtarë tjerë të PDK-së refuzonin të takoheshin me pushtetin, aty dilte Ferit Idrizi, që nuk ndalte “zgërdhirjen” në fotografi me pushtetarët qëndror.
