Forcat e specializuara të Forcës së Sigurisë së Kosovës po vazhdojnë operacionin e kërkim-shpëtimit në liqenin e Ujmanit, pas raportimeve se një person ka kërcyer nga ura dhe dyshohet se është mbytur të dielën, më 27 korrik.
Kryetari i Komunës së Zubin Potokut, Izmir Zeqiri, deklaroi para mediave se terreni ku po zhvillohen kërkimet është shumë sfidues, për shkak të thellësisë së madhe dhe mbeturinave nën ujë.
“Terreni është bukur i vështirë në thellësi prej 30 deri në 40 metra, madje mund të arrijë deri në 60 metra apo më shumë. Ka mbeturina të shumta që e vështirësojnë operimin dhe kërkojnë pajisje teknike të posaçme”, u shpreh Zeqiri.
