Përçarja e PDK-së në Drenas po vazhdon edhe më tutje.
Kjo kuptohet edhe nga takimi i kryesisë së PDK-së në Drenas ku kanë takuar kandidatët për deputetë.
E aty nuk shihet i pranishëm kryetari i kësaj komune, Ramiz Lladrovci, i kthyer në PDK nga kryetari Bedri Hamza, raporton Gazeta Online Veriu.info.
Duket se Hamza nuk ka arritur t’i pajtojë dy krahët e hidhëruar në këtë komunë.
Lajmin për takimin e kryesisë e ka dhënë Petrit Hajdari, i cili humbi më 12 tetorit përballë Ramiz Lladrovcit.
Postimi i Hajdarit:
Në mbledhjen e kryesisë dhe kandidatët e Drenasit për deputetë, qartësia e nevojës për Bedri Hamzën kryeministër ishte jehona e takimit.
Drenasi ka një listë të jashtëzakonshme kandidatësh që janë vënë në mënyrë unike në rrugën për kryeministrin që i duhet Kosovës, Bedri Hamzën.
Gjithashtu, zgjodhëm shtabin zgjedhor dhe shefin e shtabit zgjedhor të degës, z. Zeqir Hasi, të cilit i urojmë sukses. I ftojmë të gjithë ata që duan t’i bashkohen fitores, ta japin kontributin e tyre në këtë kohë kur Kosova ka nevojë për ta.
Aktivistë, bashkëpartiakë e qytetarë, të gjithë ju që e ndjeni veten PDK, ju ftoj t’i bashkoheni ekipit që do ta çojë Partinë Demokratike të Kosovës drejt fitores me Bedri Hamzën në krye.
Gjithçka tjetër duhet lënë anash në këtë moment sepse Kosova ka nevojë për ne.
Kosova ka nevojë për kthjelltësi e për standard jetese. Këtë e ofron veç PDK-ja me Bedri Hamzën.
#PDK130 #Bashkë #Përpara
Petrit E. Hajdari
