Pas përplasjeve politike brenda LDK-së mes Avdullah Hotit dhe atyre që përkrahin kryetarin Lumir Abdixhikun, ka reaguar edhe Agim Veliu, i cili nuk u lejua të hyjë në listën për deputet, raporton Gazeta Online Veriu.info.
Ai ka kritikuar ata që po e mbështesin kryetarin Abdixhiku, duke thënë se është për keqardhje të detyrojnë, apo të vetëdetyrohesh për t’ia mbajtur ison shefit dhe të dalësh publikisht e ta mbrosh “liderin” që po e dërgon në theqafje një familje të madhe politike, që për 35 vite ishte shembull i demokracisë dhe meritokracisë.
Postimi i plotë:
Të jeshë i pafuqishëm të ndryshosh gjendjen në shtëpinë politike, ku kryefamiljari (kryetari) të ka afruar formalisht “afër” vetës nuk është edhe shumë tragjike.
Është për keqardhje të detyrojnë, apo të vetëdetyrohesh për t’ia mbajtur ison shefit dhe të dalësh publikisht e ta mbrosh “liderin” që po e dërgon në theqafje një familje të madhe politike, që për 35 vite ishte shembull i demokracisë dhe meritokracisë.
