Më 2 mars u arrestuan 15 persona të dyshuar për veprën penale fajde, por 14 nga ta përfunduan në paraburgim për dallim nga të cilët pronari i auto sallon “Alberti” ishte liruar me masë të veçantë, raporton Gazeta Online Veriu.info.
Skender Bajrami madje ishte shtrirë në QKUK në klinikën e kardiologjisë duke pretenduar se ka probleme shëndetësore.
Madje ky pretendim i Bajramit ka bërë që edhe seanca gjyqësore dēgjimore të mbahet në QKUK, ku gjyqtari mori vendim për lirimin e Bajrami me masë të veçantë duke ia ndaluar t’u afrohet personave të dëmtuar, Xhavit Shala, Samir Bajrami, Salih Sinani, rast për të cilin raportoi ekskluzivisht Veriu.info.
Por shtrimi i pronari të “Albertit” në QKUK doli të jetë i shkurt, pasi pas vendimit të gjykatës i njëjti është larguar menjëherë nga spitali.
Ai dje mori pjesë në ceremoninë hapëse të “Prishtina Mall” ku është aksionar.
Në të njëjtin ambient me të dyshuarin për fajde, Skender Bajramin, ishte edhe presidentja Vjosa Osmani.
