Një histori sa intriguese e po aq e mistershme, përplot ngjarje të pazbuluara, kjo është historia e familjes Haklaj nga Tropoja e Malësisë së Gjakovës, e cila lidhet pashmangshëm me emrin e Fatmir Haklajt.
25 vite pas vrasjes emri i Fatmir Haklajt vazhdon të ngjallë kureshtjen e secilit shqiptar, pasi ai konsiderohej si njeriu me i fuqishëm i kohës jo vetëm në Tropojë por edhe më gjerë.
Historia e Fatmir Haklajt mund të përmblidhet në dy anë të medaljes. Njeriu që ngjallte frikë tek shumë shqiptarë të kohës e madje edhe politikanë që nuk guxonin t’ia përmendin emrin për shkak të hakmarrjes ndaj kundërshtarëve të tij që po t’i dëgjosh të duken sikur skena hollivudiane, në anën tjetër ai njihej për mbështetjen e fuqishme që i kishte dhënë UÇK-së për furnizim me armatim gjatë luftës së Kosovës.
Ekipi i Veriu.info dhe Veriu TV ishte në Tropojë për të realizuar një dokumentar për gjendjen e kullës së Haklajve, e cila njihej si Kulla me e fuqishme e kohës, por që pas largimit të familjes drejt Perëndimit ajo është shkatërruar me mina deri në themele.
Në vazhdim mund ta ndiqni dokumentarin me autor Gazmend Morina:
