Viti 2024 karakterizohet me aksione të suksesshme të Policisë së Kosovës në veri të shtetit.
Si rezultat i këtyre aksioneve policore është konfiskuar shumë armatim ilegal dhe gjëra tjera ilegale që u shërbyen strukturave kriminale të dirigjuara nga Serbia.
Po ashtu, gjatë vitit 2024 janë mbyllur institucione ilegale në veri, të cilat vepronin në kundërshtim me ligjet e Republikës së Kosovës.
Në krye të çdo aksioni policor të veri, ka qëndruar një person. Ai nuk ka zgjedhur që detyrën ta ushtroj nga zyra dhe vetëm të jap urdhëra. Prej aksioneve më rutinore dhe deri te aksionet policore me rrezikshmëri shumë të lartë, krahas zyrtarëve policor në terren, ka qëndruar edhe zëvendësdrejtori i Drejtorisë Rajonale Mitrovicë – Veri të Policisë së Kosovës, Veton Elshani.
Duke qenë se prej tërheqjes së shumicës së policëve serbë nga Policia e Kosovës, Drejtoria Rajonale Mitrovicë – Veri ka mbetur pa drejtor.
Prej rreth dy vitesh kjo pozitë ma mbetur ka mbetur vakante formalisht, por praktikisht ajo është ushtruar nga zëvendësdrejtori Elshani. Pra, përveç pozitës së zëvendësdrejtorit, Veton Elshani me profesionalizëm të lartë ka kryer edhe detyrën e drejtorit të Policisë për rajonin e veriut.
Sikur të mos mjaftonte të qendruarit në krye të aksioneve policore, duke u marrë me organizim e zbatim operatim të tyre në pjesën më të ndjeshme të Kosovës, Elshani ka qenë gjithmonë në dispozicion të gazetarëve, duke ushtruar praktikisht edhe detyrën e zëdhënësit.
Nga ajo që u tha më lartë, por jo vetëm, Redaksia e Gazetës online Veriu.info ka vendosur që Veton Elshanin ta shpall Personalitet të Vitit 2024 në Kosovë.
