Avokati Gent Gjini pretendon se një qytetar është ‘konfrontuar’ nga tre policë për shkak të një kundërvajtjeje lidhur me parkimin e veturës.
Sipas avokatit të viktimës, rasti ka marrë përmasa shqetësuese, pasi përdorimi i sprejit ndaj qytetarit është fshirë qëllimisht nga shkresat zyrtare të prokurorisë, duke ngritur dyshime për manipulim të hetimeve.
“Është e pafalshme që një akt i tillë dhune dhe përdorimi i forcës së tepruar nga ana e policisë të fshihet nga shkresat e hetimeve,” tha avokati Gjini.
Ai theksoi se kamerat e sigurisë të zonës, që dëshmojnë përdorimin e sprejit, janë injoruar nga prokuroria.
Avokati Gjini ka deklaruar se qytetari ka pasur dëmtime serioze në sy, të cilat kanë kërkuar trajtim të menjëhershëm mjekësor.