Nënkryetari i Lëvizjes “Besa”, pjesë e koalicionit Vlen në Maqedoninë e Veriut, me një postim në rrjetin social Facebook, ia ka bërë argatin Vetëvendosjes në Kosovë, duke bërë ftesë për tubimin në Prishtinë.
Adnan Azizi ka sulmuar partitë e tjera kundërshtare të VV-së, duke thënë se bëhen bashkë në iniciativat anti-kombëtare.
“Neve na bashkon populli, ata i bashkon paraja , interesi. Neve na bashkon ideali, kombi, ata i bashkojnë iniciativat anti-kombëtare”, ka thënë Azizi në këtë postim.
“E derisa ata mendojnë si të fshihen nga krimi, ne jemi të pranishëm Cep më cep me popullin shqiptar”, ka thënë ai.
“Andaj sonte më 7 shkurt, në ora 19:00, ju ftojë të gjithëve që të merrni pjesë në tubimin e Lëvizjes Vetëvendosje në sheshin “Skenderbeu” në Prishtinë. Ideali gjithmonë ka fituar tradhëtinë”, ka thënë Azizi.
