Javën e kaluar (28 shtator) një vushtrrias kishte raportuar në polici një rast të fajdes që i kishte ndodhur vite më parë.
“Ankuesi mashkull kosovar ka raportuar se i dyshuari mashkull kosovar ndaj tij ka kryer veprën e lartcekur. Lidhur me rastin janë ndërmarrë të gjitha veprimet e nevojshme për procedura të mëtejme hetimore”, thuhet në raportin policor.
Veriu.info mëson se ankuesit sot do t’i merret shtëpia përmes vendimeve gjyqësore, që sipas tij krejt janë prapaskenë e fajdeve më të cilat ishte zhytur.
Procesi kontestimor për këtë shtëpi ka zgjatur për më shumë se 10 vite, përderisa Veriu.info mëson se gjatë seancave gjyqësore H.P. kishte deklaruar se shtëpinë e ka humbur për shkak të fajdeve.
Siç mëson Veriu.info, ankuesi H.P. sot duhet ta lëshoj shtëpinë në bazë të vendimit të gjykatës, përderisa shtëpinë do ta përfitoj Sh.B., për të cilin H.P. pretendon se po ia merr për fajde.
