Sonte, Lëvizja Vetëvendosje mbajti tubim në palestrën “Minatori” në Mitrovicë.
Para të pranishmëve fjalimin kryesor e mbajti kandidati për kryeministër i VV-së, Albin Kurti, ku shpalosi pika nga plan-programi i kësaj partie për zgjedhjet e 9 shkurtit.
Fjalime para simpatizantëve të VV-së mbjatën edhe kryetari i Qendrës së VV-së në Mitrovicë, Armend Muja, kandidatët për deputet Xhelal Sveçla e Albulena Haxhiu, si dhe bashkëkryetari i partisë Guxo, Faton Peci.
Mirëpo, VV e Albin Kurtit nuk ua dha fjalën dy kandidatëve për deputet nga Mitrovica, Arjeta Fejza e Agim Bahtiri.
Burime të Veriu.info bëjnë të ditur se përkrahësit e Arjeta Fejzës e Agim Bahtirit janë ndarë të zhgënjyer nga ky tubim për shkak të mos-dhënies së fjalës këtyre dy kandidatëve.
