Në zgjedhjet e mbajtura këtë të diele, Lëvizja Vetëvendosje doli partia e parë në vend me rreth 41% të votave të numëruara deri më tash.
Në këto zgjedhje zëvendësministri Hysen Durmishi ishte në listën e kandidatëve të Lëvizjes Vetëvendosje për deputet me numr 60.
Nga rezultatet e publikuara në ueb faqen e KQZ-se pas numrimit të 99% të votave (përjashto votat me kusht dhe nga diaspora), del se Lëvizja Vetëvendosje ka humbur në vendlindjen e Hysen Durmishit, që është fshati Mushtisht i Suharekës, raporton Veriu.info.
Pra, në këtë fshat VV ka dalë e dyta pas LDK-së, anipse në nivel të Suharekës VV ka arritur fitore bindëse, duke e lënë shumë pas LDK-në.
Ndryshe, më 2021 Hysen Durmishi kishte marrë vetëm 5223 vota, por moszgjedhja deputet nuk e kishte penguar që të ishte njëri prej zëvendësministrave më të fuqishëm në Qeverinë Kurti 3./Veriu.info
